همسات شعرية /بقلم عاطف محفوظ
همسات شعرية
( قصيدة بالعامية )
لملم خيط الشمس في كفك
و أغزل حلمك توب من نور
أوعك تغضب من شئ هدك
أو يوم تيأس تعمل سور
خلي خطاوي الهمة الصاحية
سابقا خطاك ...
أوعي سقوط الهمة يشدك
تبقي سكات ...
ولا خيالك تلاقية سابقك
يجري وراك ...
تحسب شبح الخوف ب يطاردك
ولا هلاك ...
أنا من يومي وخدها شطارة
وخدها أرادة ...
و بنيت حلمي بكل جساره
وبقيت شئ يعلي علي سحابه
وآهي بتعدي .. و محدش أدي
بس كرهت الكبر يخدني و يوديني
في أيها غارة ...
أما صحيح علي براوه
لابس العزه عمه ألاجة
الواد شلبي في وسط الحاره ..؟
أصل زمان كانت أمثال
تجيب التايهه من وسط خرابة
والبنيه تقول جنيه
غزلت شال ب رجل حماره
خدها يا صاحبي نصيحة أماره
أوعك تصحي في نص اليوم
خلي الفجر أمامك دوم
أصحي لضوء الشمس أتوضي
وأغزل منه غناوي لبكره
وأصنع عيشك كده بإرادة
بقلمي/عاطف محفوظ
تعليقات
إرسال تعليق