أنا مالي / بقلم السيد عطية (البورسعيدي)
أغنية : انا مالي
***** *******
لو رمش عينيك جه ونادالي
وقال القلب طالب الود
هنرد نقول طب وانا مالي
ما الشوك يا حبيبي دايما ف الورد
ربنا ما يورينا عذابه
كتير قبلنا حبو ودابو
لا عرفوا يطلعوا من بابه
إلا بشوية نار على صد
ما الشوك يا حبيبي دايما ف الورد
لا سمعنا يوم عن جنته
مهما دارينا ف شمعته
بدايته حيره واخرته
ليل وطريق مالهوش حد
ما الشوك يا حبيبي دايما ف الورد
أصل الحب دا له بحرين
بحر يودي لدمع العين
وبحر يقولك مش راجعين
غير بندم مرسوم ع الخد
ما الشوك يا حبيبي دايما ف الورد
بقلمي : السيد عطيه
( البورسعيدى )
تعليقات
إرسال تعليق